Chapter 90

நகரின் மையத்தில் இருந்த ஆர்யனுக்குச் சொந்தமான ARC ஹோட்டல் அதன் முழு மகிமையுடன் ஜொலித்தது. சஞ்சனாவின் வளைகாப்பு நிகழ்ச்சிக்காக ஏஆர்சி ஹோட்டல் முழுவதும் ரிசர்வ் செய்யப்பட்டது. ஹோட்டல் வெளிப்புற கட்டிடம் முழுவதும் விளக்குகளின் விதானத்தின் கீழ் பளபளத்தது, உட்புறம் ஒரு மலர் அலங்காரம் செய்யப்பட்ட சொர்க்கம் போல் தோன்றியது. சாட்டின் துணிகள் சுவர்களை அலங்கரித்தன. டெய்ஸி மலர்கள், கார்னேஷன்கள், ரோஜாக்கள் மற்றும் ஆர்க்கிட் மலர்களின் ஏற்பாடுகள் அந்த இடம் முழுவதையும் ஒரு பூந்தோட்டத்தின் ஒளிவட்டத்தை அளித்தன. கம்பளம் விரிக்கப்பட்ட அந்த நடைபாதை வண்ணமயமான டூலிப் மலர்களால் சூழப்பட்டிருந்தது, விருந்தினர்கள் ஒரு ட்யூலிப் பண்ணை வழியாக நடந்து செல்வதைப் போன்ற உணர்வை ஏற்படுத்தியது.

எல்லாவற்றிற்கும் மையமாக ஒரு அற்புதமான மேடை இருந்தது, அங்கு சடங்கு நடைபெறும் ஒவ்வொரு மூலையையும் பூக்கள் அலங்கரித்தன, மற்றும் பாரம்பரிய வளையல்கள் அழகாக தொங்கவிடப்பட்டன, அந்த அலங்காரம் அந்த நிகழ்வை இன்னும் மேம்படுத்தியது. பழங்கள் மற்றும் பூக்கள் நிறைந்த தட்டுகள், சந்தன கிண்ணம் மற்றும் குங்குமம் நிறைந்த வெள்ளிக் கிண்ணங்கள் வரிசையாக வைக்கப்பட்டிருந்தன. இரண்டு பெரிய தங்க குத்து  விளக்குகள் இருபுறமும் கம்பீரமாக எரிந்து கொண்டிருந்தன. ஒரு ராயல் இத்தாலிய ஒற்றை இருக்கை சோபா சஞ்சுவுக்காக காத்திருந்தது.

ஆர்யன் மற்றும் தேவிகா தனிப்பட்ட முறையில் விருந்தினருக்கு உணவு மெனுவை தேர்ந்தெடுத்தனர். சிறந்த சைவ உணவு வகைகள் மற்றும் உலகளாவிய இனிப்புகள் ஆகியவை பரவலில் அடங்கியது. எல்லாம் குறைபாடற்றது என்பதை உறுதிப்படுத்த சிறந்த சமையல்காரர்கள் குழுக்களாக பிரிக்கப்பட்டனர்.

நரேனும், பிரதீப்பும் ஒவ்வொரு விவரத்தையும் சரிபார்த்துக் கொண்டே ஹால் முழுவதும் ஓடிக் கொண்டிருந்தனர். பிரபலங்கள், தொழிலதிபர்கள் மற்றும் அமைச்சர்கள் அழைக்கப்பட்டிருந்ததால், ரஞ்சித் இருக்கைகள் மற்றும் பாதுகாப்பை இராணுவ துல்லியத்துடன் நிர்வகித்து வந்தான். விருந்தினர்கள் மற்றும் சடங்குகளில் தலையிடாமல் ஊடகங்களுக்கு தனியே இடம் ஒதுக்கப்பட்டருந்தன.

ஏ.ஆர்.சி., மற்றும் மேன்ஷன் ஊழியர்களின் நிர்வாகிகளும் கலந்து கொண்டனர். கௌசல்யா, தீபா, பாலா மூவரும் சம அளவில் ஒருங்கிணைந்து செயல்பட்டனர்.

நுழைவாயிலில் தேவிகா, விஷ்ணு, சுரேந்தர் மூவரும் புன்னகையுடன் விருந்தினர்களை வரவேற்றனர். இதற்கிடையில், ஆர்யன் தங்க ஜரிகை பார்டர் கொண்ட காஞ்சிவரம் பட்டு வேஷ்டி மற்றும் பீச் பட்டு சட்டை அணிந்து வந்தான். அவன் அணிந்திருந்த சட்டை அவனது தசைப்பிடிப்பான உடலை அணைத்திருந்தது. அவனுடைய நன்கு ட்ரிம் செய்யப்பட்ட தாடியுடன் கூடிய தாடை, நேர்த்தியான பாணியிலான தலைமுடி ஆகியவை அவனுக்கு ஒரு கூர்மையான, ராஜகம்பீரமான தோற்றத்தைக் கொடுத்தன. நடைபாதையில் நடந்து சென்றவன் ஒவ்வொரு விருந்தினரையும் அன்புடன் வரவேற்றான்.

பெண்களுக்கான அறைக்குள் பவி, கீர்த்தி, பானு, மாயா மற்றும் நிலா ஆகியோர் ஒன்றாக இருந்தனர். கிரிஸ்டல் வேலைப்பாடுகள் செய்யப்பட்ட ஒருங்கிணைந்த பச்சை லெஹெங்காக்களை அணிந்து, வைர நகைகளால் அலங்கரிக்கப்பட்டிருந்தனர். நிலாவின் ஒப்பனையாளர் சஞ்சுவை தயார் செய்ய உதவுவதால் அவர்கள் உற்சாகத்தில் சலசலத்தனர், வழியில் சிரித்தும் கிண்டலும் செய்தனர்.

சடங்குகளுக்கான நேரம் நெருங்க தேவிகா பவியை அழைத்து, “ பவி, நேரம் ஆகுது, சஞ்சுவ கூட்டிட்டு வா “ என்று கூறினார்.

ஆர்யன் பல மணி நேரமாக மனைவியைப் பார்க்காமல் தவித்துக் கொண்டிருந்தான். பெண்கள் அவளை ஸ்டைலிங் செய்ய அழைத்துச் சென்றனர், அவளுடைய ஆடை உட்பட அனைத்தையும் ஒரு ரகசியமாக வைத்திருந்தனர்.

பெண்கள் அனைவரும் வந்ததும், பிரதீப், நரேன் மற்றும் விவான் அவர்களின் பெண்களின் அழகை கண்டு மெய்மறந்து நின்றனர். சஞ்சுவை காண ஆர்யன் அமைதியிழந்து ஆவலுடன் காத்திருந்தான். அதை பார்த்து சிரித்துக் கொண்டிருந்த பெண்கள் பின்னாலிருந்து சஞ்சு வெளிப்பட்டாள். அவளை பார்த்ததும் ஆர்யனின் இதயம் ஒரு துடிப்பை நிறுத்தியது.

பெண்கள் நாடகத்தனமாக ஒதுங்கி நின்று, சஞ்சுவை ஒரு தேவதை போல வெளிப்படுத்தினர்.

இளஞ்சிவப்பு மற்றும் பீச் நிற இரட்டை நிறத்தில், மயில் உருவங்கள் மற்றும் தங்க ஜரிகை பார்டர் கொண்ட காஞ்சிபுரம் பட்டுப்புடவையில் அவள் தெய்வீகமாக இருந்தாள். அவள் கழுத்தை ஒரு வைர சோக்கர் மற்றும் ஹாரம் அலங்கரித்தது. பொருத்தமான காதணிகள், நெத்திச்சுட்டி மற்றும் வளையல்கள் அவளது தோற்றத்தை நிறைவு செய்தன. அவளது ஜடை மல்லிகை மலர்களால் அலங்கரிக்கப்பட்டிருந்தது, ஒரு நுட்பமான இளஞ்சிவப்பு லிப்ஸ்டிக் அவளது பிரகாசமான முகத்தை இன்னும் பிரகாசமாக்கியது. ஆனால் அவற்றை எல்லாம் விட அவளுடைய நிறைமாத வயிறு அவள் சுமந்த தெய்வீக தாய்மையின் ஒளி   மிஞ்சியது.

ஆர்யனின் உதடுகள் பிரமிப்பில் பிரிந்தன. அவனது பார்வை அவள் மீது நிலைத்திருக்க, அவள் அவனை நோக்கி மெதுவாக நடந்து வந்தாள்.

ஆர்யன் தன்னைக் கட்டுப்படுத்திக் கொள்ள முடியாமல் மந்திரத்துக்கு உட்பட்டவன் போல அவளை நோக்கி முன்னால் சென்றான்.

“நீ அழகா இருக்க பொண்டாட்டி, உன்ன பார்த்ததும் என் இதயம் ஒரு துடிப்ப நிறுத்திடுச்சு. அவ்ளோ அழகு” என்று முழுவதுமாக மெய்மறந்து கிசுகிசுத்தான் ஆர்யன்.

அவன் வார்த்தையை கேட்டதும் சஞ்சு புன்னகைத்தாள், வெட்கத்துடனும் அதே சமயம் நம்பிக்கையுடனும், “என் புருஷனும் ரொம்ப அழகா இருக்காரு, நான் மத்த பொண்ணுங்க கிட்ட இருந்து என் புருஷன காப்பாத்தணும் போல “ என்று அவனிடம் கூறினாள்.

” நீங்க கவலைப்படாதீங்க மிஸஸ் ஆர்யன். எனக்கு கல்யாணம் ஆயிடுச்சு, சீக்கிரமே அப்பா ஆகப் போறேன்னு எல்லாருக்கும் தெரியும் ” என்று சொல்லி சிரித்தான். அதற்கு சஞ்சு உடனே, “இருந்தாலும் உங்க வசீகரமா சிரிப்புல பல பொண்ணுங்க மனச கொல்றீங்க மிஸ்டர் ஹஸ்பண்ட்.” என்று சொல்லி கண்ணடித்தாள்.

“ஆனா இந்த வசீகரமான மனுஷன் என்னோட வசியக்காரி கிட்ட மயங்கி கிடக்குறேனே, வசீகரமானவனோட வசியக்காரி  “ என்று சொல்லி அவன் அவளது கையைப் பிடித்தான்.

சஞ்சு மயங்கியபடி சுற்றும் முற்றும் பார்த்தாள். ” எனக்கு ஒரு தோட்டத்துல நடக்குற மாதிரி இருக்கு. இந்த டெகரேஷன் எல்லாம் அற்புதமா இருக்கு, ரொம்ப ஆச்சரியமா இருக்கு “ என்று கூறினாள்.

” அப்படியா ? அப்போ இதுக்கு ஒரு பரிச நாம வீட்டுக்கு போனதும் திருப்பி கொடு ” என்று சொல்லி ஆர்யன் கண்ணடித்தான்.

தேவிகா சிரித்தபடி அவர்கள் அருகில் சென்று, “ஆர்யன், சடங்கு முடிஞ்ச அப்புறம் நீங்க ரெண்டு பேரும் தொடர்ந்து பேசலாம்.” என்று கூறினார்.

ஆர்யன் மெதுவாக சஞ்சுவை மேடைக்கு அழைத்துச் சென்றான். அவள் தன் கைகளைக் கூப்பி விருந்தினர்களுக்கு வணக்கம் சொன்ன பிறகு அலங்கரிக்கப்பட்ட ஒற்றை இருக்கையில் அமர்ந்தாள். ஆர்யன் அவள் கழுத்தில் ஒரு தாமரை மாலையை அணிவித்து, பெண்கள் சடங்கை தொடங்க அனுமதித்தான்.

தேவிகா சந்தனம் பூசி, சஞ்சுவின் கையில் வளையங்களை அணிவித்து சடங்கை வழிநடத்தினார். கௌசல்யாவும் தீபாவும் பின் தொடர்ந்தனர். ஒவ்வொருவராக எல்லாப் பெண்களும் சிரிப்புடனும் பாசத்துடனும் சேர்ந்து கொண்டனர். பின்னர், விருந்தினராக வந்த பெண்கள் முன்னால் வந்து ஒவ்வொருவரும் மகிழ்ச்சியுடனும் சடங்கைச் செய்தனர்.

ஒவ்வொரு பெண்ணுக்கும் ஒரு பட்டுப்புடவை, வளையல்கள், தேங்காய், வெள்ளி விளக்கு மற்றும் ஒரு செடி – அன்பு மற்றும் பாரம்பரியத்தின் அடையாளமாக தாம்பூல பரிசாக வழங்கப்பட்டது.

பெண்கள் சடங்கை முடித்ததும், விஷ்ணுவும் சுரேந்தரும் சஞ்சுவை ஆசீர்வதிக்க முன்வந்தனர். பின்னர் அவளுடைய சகோதரர்கள் வந்தனர், அவர்கள் அனைவரும் உணர்ச்சிவசப்பட்டார்கள், ஆனால் பெருமிதமாகவும் இருந்தனர்.

கடைசியில் தேவிகா ஆர்யனை மேடைக்கு அழைத்து, “ஆர்யன், இப்போ நீ சடங்கு செய் “ என்று கூறினார்.

ஆர்யன் சஞ்சுவின் அருகில் மண்டியிட்டு அமர்ந்தான். மிகுந்த கனிவுடன் கொஞ்சம் சந்தனத்தை எடுத்து அவள் கன்னங்களில் தடவினான். பின்னர், அவள் கையில் வளையல்களை அணிவித்தான். அவன் கண்களில் கண்ணீர் பெரு, ஒரு சொட்டுக் கண்ணீர் உருண்டோடியது.

அவன் கண்ணீரை துடைத்துக் கொண்டு, ரஞ்சித்தை நிமிர்ந்து பார்த்து சைகை செய்தான். ரஞ்சித் உடனே ஆர்யன் அருகில் சென்று அவனிடம் ஒரு சிறிய பெட்டியைக் கொடுத்தான். ஆர்யன் பெட்டியை கையில் ஏந்தியபடி சஞ்சுவிடம் திரும்பினான்…

ஆர்யன் மீண்டும் சஞ்சுவின் அருகில் மண்டியிட்டு அமர்ந்தான், அவன் கண்கள் காதலால் நிறைந்தன, அவன் மெதுவாக அவளது கால்களை தன் மடியில் வைத்தான். பினனர் கையில் இருந்த ஒரு சிறிய வெல்வெட் பெட்டியை திறந்து அதில் இருந்த மெட்டியை வெளியே எடுத்தான்.

“சஞ்சு ஸ்வீட் ஹார்ட், என்ன பைத்தியமாக்கி ஒவ்வொரு முறையும் உன்ன வெறித்தனமா லவ் பண்ண வைக்குற ஒரே பொண்ணு நீ தான். நான் உன்ன கடைசி வர லவ் பண்ணனும், ரெண்டு பேருக்கும் தலை நரைச்ச அப்புறம் கூட உன்ன பைத்தியமா லவ் பண்ண விரும்புறேன். நம்ம குழந்தை, எனக்கு இந்த விலைமதிப்பில்லாத  சந்தோஷத்த கொடுத்ததுக்கு ரொம்ப நன்றி. ஐ லவ் யூ ஸ்வீட் ஹார்ட் ” என்று சொல்லி புதிய மெட்டியை ஏற்கனவே மெட்டி இருந்த கால் விரலில் போட்டு மெதுவாக அவள் காலை கீழே வைத்தான். எழுந்து முன்னால் குனிந்து அவள் நெற்றியில் முத்தமிட்டு கண்ணடித்தான். அவனது காதலை பகிரங்கமாக வெளிப்படுத்தியது விருந்தினர்களிடமிருந்து பெருமூச்சுகளையும் சிரிப்பையும் ஈர்த்தது, அவர்கள் வியப்புடன் பார்த்தனர். ஊடகங்களும் புகைப்படக்காரர்களும் ஒரு துடிப்பைக் கூட தவறவிடவில்லை, இதயத்தைத் தொடும் ஒவ்வொரு நொடியையும் படம்பிடித்தனர்.

சஞ்சுவின் கண்களில் உணர்ச்சி பொங்கியது. தாங்க முடியாமல் எழுந்து நின்று ஆர்யனை இறுக அணைத்துக் கொண்டாள். மேலும் விருந்தினர்களை வரவேற்க ஆர்யன் சென்றான்.

ஆர்யன் விருந்தினர்களுக்கு மதியில் பேசிக் கொண்டிருந்த போது  பெண்கள் மேடையில் சஞ்சுவை சுற்றி வளைத்து, அவளை விளையாட்டாக சீண்டினார்கள். ஆனால் சஞ்சு யோசனையில் ஆழ்ந்திருந்தாள். அவள் சட்டென கீர்த்தியின் பக்கம் குனிந்து அவள் காதில் ஏதோ கிசுகிசுத்தாள்.

கீர்த்தி சிரித்துக் கொண்டே தலையசைத்து பின்னர் மைக்கை எடுத்து கூட்டத்தினரிடம் பேசினாள். அவள் குரல் ஒலித்ததும் ஆர்யன் உட்பட அனைவரின் கவனத்தையும் ஈர்த்தது. ஆர்யன் தனது உரையாடலை நிறுத்திவிட்டு கவனிக்கத் திரும்பினான்.

” எல்லாருக்கும் வணக்கம்! இன்னைக்கு இங்க வந்து, எங்க அன்பு தம்பதியினருக்கு உங்க வாழ்த்துக்களையும், ஆசீர்வாதங்களையும்  கொடுத்ததுக்கு உங்க எல்லாருக்கும் ரொம்ப நன்றி. எங்க ஆர்யன் அண்ணா அவரோட மனைவி மேல இருக்க பாசத்த, காதல காட்டியிருக்காரு, இப்போ எங்க தோழி சஞ்சு அவ கணவர் மேல வெச்சுருக்க பாசத்த, காதல காட்ட போறா “ என்று அறிவித்த கீர்த்தி பின்னர் ஆர்யனை பார்த்து, “ ஆர்யன் அண்ணா, மறுபடியும் சஞ்சுவ இன்னும் அதிகமா லவ் பண்ண ரெடியாகுங்க “ என்று சொன்னாள்.

அவள் அறிவிப்பை கேட்டதும் ஆர்யன் மீண்டும் மேடையை நோக்கி நடந்தான். அப்போது இருபுறமும் இருந்து கூட்டத்தினர் கைதட்டி ஆரவாரம் செய்தனர். கீர்த்தி மைக்கை சஞ்சுவிடம் கொடுக்க, அவள் ஆர்யனை காதல் நிறைந்த கண்களுடன் பார்த்தாள்.

” ஆர்யன், நீ என் புருஷனா எனக்கு லவ் மட்டும் கொடுக்கல ஆனா என் அப்பா, அம்மா இழந்த அப்புறம் நான் ஏங்குன அன்பு எல்லாத்தையும் எனக்கு கொடுத்துருக்க. நீ என் பெஸ்ட் friend, என் நலம் விரும்பியும் கூட. இந்த பிரபஞ்சம் எனக்கு கொடுத்த மிகச் சிறந்த விஷயம் நீ தான். இந்த உலகத்துல எது கூடவும் ஒப்பிட முடியாத அளவுக்கு நான் உன்ன லவ் பண்றேன். உனக்கு நான் பாடுனா எவ்ளோ புடிக்கும்னு எனக்கு தெரியும் அதனால இப்போ உனக்காக நான் பாட விரும்புறேன். “ என்று சஞ்சு சொல்லிவிட்டு மைக்கை அருகில் வைத்து மெதுவாக பாட ஆரம்பித்தாள், அவள் கண்கள் ஆர்யனின் கண்களில் நிலைத்திருந்தன.

உயிாின் உயிரே உனது விழியில்…
என் முகம் நான் காண வேண்டும்…
உறங்கும்போதும் உறங்கிடாமல்…
கனவிலே நீ தோன்ற வேண்டும்…

காதலாகி காற்றிலாடும்…
ஊஞ்சலாய் நான் ஆகிறேன்…
காலம் தாண்டி வாழ வேண்டும்…
வேற என்ன கேட்கிறேன்…

சாயங்காலம் சாயும் நேரத்தில்…
தோழி போல மாறுவேன்…
சேர்ந்து நீயும் தூங்கும் நேரத்தில்…
தாயை போல தாங்குவேன்…

வேறு பூமி வேறு வானம்…
தேடியே நாம் போகலாம்…
சேர்த்து வைத்த ஆசையாவும்…
சேர்ந்து நாமங்கு பேசலாம்…

அகலாமலே அணுகாமலே…
இந்த நேசத்தை யார் நெய்தது…
அறியாமலே புரியாமலே…
இரு நெஞ்சுக்குள் மழை தூவுது…

உயிரின் உயிரே உனது விழியில்…
என் முகம் நான் காண வேண்டும்…
உறங்கும்போதும் உறங்கிடாமல்…
கனவிலே நீ தோன்ற வேண்டும்…

சஞ்சு மெல்லிய புன்னகையுடன் பாடலை முடித்தாள், அவள் குரலில் காதல் ததும்பியது.

” ஐ லவ் யூ மன்னா “ என்று சஞ்சு கிசுகிசுத்தாள், அவளுடைய குரல் மென்மையாகவும் காதல் நிறைந்ததாகவும் இருந்தது.

அவள் கொடுத்த இன்ப அதிர்ச்சியை கண்டு ஆர்யனின் முகம் உணர்ச்சியால் ஒளிர்ந்தது, அவன் கண்கள் அவள் மீதான அவனது அன்பின் ஆழத்தை பிரதிபலித்தன.

” ஐ லவ் யூ பொண்டாட்டி ” என்று அவன் பதிலளித்தான், அவனது வார்த்தைகளில் அரவணைப்பும் பெருமிதமும் கலந்திருந்தன.

இருவரும் ஒரு லேசாக அணைப்பைப் பகிர்ந்து கொண்டனர், அந்த நேரத்தில், அனைவரும் அவர்களை படம் பிடித்தனர். தங்கள் இறுதி ஆசீர்வாதங்களையும் புன்னகையையும் வழங்கிவிட்டு விருந்தினர்கள் மெதுவாக வெளியேறத் தொடங்கினர். சில மணி நேரமாக சிரிப்பாலும், இசையாலும், புதிய மலர்களின் நறுமணத்தாலும் நிரம்பியிருந்த அந்த பிரமாண்ட மண்டபம், கொண்டாட்டம் முடிவுக்கு வந்ததும் படிப்படியாக அமைதியானது.

ஆர்யன் குடும்பத்தினர் மேன்ஷனுக்குத் திரும்பியதும், அவர்களின் இதயங்கள் அன்றைய மகிழ்ச்சியால் நிறைந்தன. அவர்கள் உள்ளே நுழைந்ததும், தேவிகாவின் பார்வை சஞ்சுவின் மீது விழுந்தது, அவள் நீண்ட மற்றும் உணர்ச்சிகரமான நாளிலிருந்து சோர்வாக காணப்பட்டாள்.

“ஆர்யன், சஞ்சுவ ரூமுக்கு கூட்டிட்டு போ. என் பொண்ணு ரொம்ப டயர்டா இருக்கா” என்று தேவிகா மென்மையாகச் சொன்னார், அவள் குரலில் தாய்மையின் அக்கறை நிரம்பியிருந்தது.

ஆர்யன் உடனே சரி சொல்லி சஞ்சுவை அவர்களின் அறைக்கு தூக்கிச் சென்றான். அங்கு சென்றதும், அவன் மெதுவாக அவளுடைய கனமான அணிகலன்களை அகற்றி, வசதியான மாறும் எளிமையான ஆடை அணிய உதவினான். சஞ்சு கொஞ்சம் ஆசுவாசப்படுத்திக் கொண்டதும் அவளை படுக்கையில் கிடத்தினான்.

அவளுக்கு அருகாமையில் அமர்ந்திருந்த ஆர்யன் அவளுடைய கால்களை கவனமாக மசாஜ் செய்யத் தொடங்கினான். மிக விரைவில் பிறக்க போகும் தங்கள் குழந்தைக்காகவும், ஒவ்வொரு நாளும் வளரும் அவர்களின் காதலுக்காகவும் அவன் செய்த ஒவ்வொன்றும் அவனின் ஆழமான காதலை, அன்பை வெளிப்படுத்தியது. 

******************

முன்னோட்டம்:

” ஏய் பொண்டாட்டி, பல மாசமா நான் உண் தொந்தரவு செய்யவே இல்ல அதனால சும்மா என்ன இப்படி தள்ளி போக சொல்லாத. என் மேலையும் கொஞ்சம் அக்கறை காட்டுடி. நானும் பல மாசமா பட்டினியா இருக்கேன் “